Xalq bankida omonatlaringiz kafolatlangan va himoyalangan

Omonatlarni yanada ishonchli saqlash maqsadida “Bank omonatlarini himoya qilish kafolatlari to‘g‘risida” yangi qonun qabul qilindi. Ushbu qonunga muvofiq, endilikda bank omonatlari bo‘yicha quyidagi kafolatlar belgilandi:
• Yakka tartibdagi tadbirkorlar va yuridik shaxslarning omonatlari ham kafolat ostida bo‘ladi.
• Davlat tomonidan kafolatlanadigan maksimal summa 200 mln so‘m (foizlari bilan) etib belgilandi.
• Kompensatsiyalarni to‘lash muddati 83 kundan 20 ish kuniga qisqartirildi (bosqichma-bosqich 7 kungacha kamaytirish rejalashtirilgan).

Omonatlarni kafolatlashga faqat bank litsenziyasi bekor qilinganda zarurat tug‘iladi. Boshqa hollarda bank o‘z majburiyatlarini to‘liq bajaradi va omonatchilarning mablag‘larini saqlash hamda qaytarish bo‘yicha javobgarlikni o‘z zimmasiga oladi.
Shuningdek, yangi qonun kuchga kirguniga qadar ochilgan barcha omonatlar, summasidan qat’iy nazar, davlat tomonidan to‘liq kafolatlanadi.