“Yilning eng yaxshi yordamchi agenti – 2025”

 

 

Mahallalarda bank xizmatlari haqida  aholiga ma'lumot yetkazish, ularning moliyaviy savodxonligini oshirish va bandligini ta’minlashda “mahalla bankirlari” hamda “yordamchi-agentlar” faoliyati muhim o‘rin tutadi.

Xalq banki va Markaziy bank hamkorligida Toshkent viloyatining Nurafshon shahrida ushbu tanlovning birinchi va ikkinchi bosqichi g'oliblarni taqdirlash bo'lib o'tdi. 

Tanlovning dastlabki bosqichida Toshkent viloyatidagi 67 nafar yordamchi-agent qatnashdi. Shulardan 14 nafari Xalq banki agentlari bo‘lib, ular o‘z faoliyati davomida mijozlarga sifatli xizmat ko‘rsatish, aholiga bank mahsulotlarini targ‘ib qilish va yangi mijozlarni jalb etishda yuqori natijalarni qayd etishdi.

Yakuniy natijalarga ko‘ra, 4 nafar Xalq banki yordamchi-agenti viloyat bosqichiga yo‘llanmani qo‘lga kiritdi.

Tadbir so‘ngida g‘oliblar hamda faol ishtirokchilar esdalik sovg‘alari va pul mukofotlari bilan taqdirlandi.

O‘zbekiston Respublikasi aksiyadorik tijorat Xalq banki Boshqaruvi raisining O‘zbekiston Respublikasi Prezidenti va Hukumat hujjatlari ijrosi to‘g‘risida axboroti

    O‘zbekiston Respublikasi Prezidentining 2025-yil 25-iyuldagi “Davlat organlari va tashkilotlarda ijro intizomini yanada mustahkamlashning qo‘shimcha chora-tadbirlari to‘g‘risida”gi PF-117-son Farmoni, O‘zbekiston Respublikasi Prezidentining 2021-yil 10-fevraldagi “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida”gi PF-6166-sonli Farmoni, 2021-yil 31-maydagi “Ijro.gov.uz” ijro intizomi idoralararo yagona elektron tizimi samarali faoliyat ko‘rsatishini ta’minlashga qaratilgan qo‘shimcha chora-tadbirlar to‘g‘risida”gi

    PQ-5132-sonli Qarori, Vazirlar Mahkamasining 1999-yil 29-martdagi “O‘zbekiston respublikasi davlat hokimiyati va boshqaruv organlarida ish yuritish va ijro nazoratini tashkil etish bo‘yicha normativ hujjatlarni tasdiqlash haqida”gi 140-sonli va 1999-yil 12-yanvardagi “Ijro intizomini mustahkamlash chora-tadbirlari to‘g‘risida”gi 12-sonli qarorlari talablari ijrosini ta’minlash maqsadida Aksiyadorlik tijorat Xalq banki tomonidan belgilangan tartibda zaruriy choralar ko‘rib kelinmoqda.

 

Xususan, Xalq bankida ijro intizomiga mas’ul bo‘lgan mustaqil tarkibiy bo‘linma sifatida Ijro nazorati departamenti faoliyati tashkil etilgan.

 

    Bankda ish yuritish va ijro nazoratini tashkil etishda xat, hujjatlarning elektron aylanishi yo‘lga qo‘yilgan, shu jumladan, bo‘linmalar o‘rtasida ichki elektron
xat-hujjatlar almashinuv tizimi ichki “Send me” elektron dasturi (keyingi o‘rinlarda – elektron dastur) orqali amalga oshiriladi.

 

Bugungi kunda, ushbu elektron dastur orqali:

- qonunchilik hujjatlari va topshiriqlar kelib tushgan vaqtdan boshlab

30 daqiqa mobaynida Ijro nazorati departamentining mas’ul xodimi tomonidan ro‘yxatdan o‘tkaziladi hamda rahbariyatga axborot berib boriladi;

 

- rahbariyat bir kun muddatda mas’ul ijrochini belgilagan holda tegishli topshiriqlarni beradi;

 

- belgilangan muddatlar doirasida mas’ul ijrochi tomonidan topshiriq ijrosi bo‘yicha ma’lumotlar va hujjatlar rahbardan elektron tasdiqlangan holda tegishli tashkilotlarga yuboriladi.

 

    Ushbu elektron dasturda ijroni borish holatini, topshiriqlarni belgilangan muddatda bajarilishini nazorat qilish, hujjatlarning arxivini shakllantirish, hisobotlarni shakllantirish imkoniyatlari ham yaratilgan bo‘lib, Xalq bankida ish yuritishni jadallashtirish hamda hujjatlar bilan ishlashda qulayliklar yaratish uchun boshqa tizimlar bilan integratsiya qilingan.

 

Joriy yilning 1-sentabr holatiga “Ijro.gov.uz” idoralararo yagona elektron tizimi (keyingi o‘rinlarda – “Ijro.gov.uz” elektron tizimi) orqali Xalq bankiga jami 253 ta topshiriq kelib tushgan bo‘lib, shundan, barcha topshiriqlar ijrosi ta’minlangan.

 

Mazkur ko‘rsatkich o‘tgan yilning mos davriga nisbatan 162 taga yoki 2,8 barobarga ko‘paygan.

Bu esa o‘z navbatida, ijro intizomini yanada kuchaytirishni, topshiriqlarni bajarilmaslik xavfi mavjud yoki mavjud emasligi nuqtai nazaridan tahlil qilgan holda, nazorat qilib borishni taqozo etadi.

 

Shu munosabat bilan, topshiriqlarni o‘z vaqtida, to‘liq va sifatli bajarilishi ta’minlash maqsadida o‘rnatilgan tartibda barcha zaruriy choralar ko‘rib borilmoqda. Jumladan,

 

- joriy yil 15-avgustdan boshlab, har haftaning juma kuni Raisning birinchi o‘rinbosari rahbarligida “Ijro.gov.uz” elektron tizimi orqali kelib tushgan topshiriqlar hamda Boshqaruv Raisi va Rais o‘rinbosarlarining 2025-yil uchun 27 ta yo‘nalish bo‘yicha eng muhim (KPI) samaradorlik ko‘rsatkichlarining bajarilishini tanqidiy tahlil qilgan holda, har haftaning dushanba kuni Boshqaruv raisi rahbarligida kamchiliklar va yo‘l qo‘yilgan kamchiliklarni bartaraf etish bo‘yicha aniq choralar ko‘rish yuzasidan muhokamalar tashkil etib borilmoqda;

 

- bank Boshqaruvi Raisi va Rais o‘rinbosarlarining 2025-yil uchun eng muhim (KPI) samaradorlik ko‘rsatkichlarini bajarish maqsadida tarkibiy bo‘linmalar rahbarlari bilan birgalikda haftada bir marotaba rais o‘rinbosarlari boshchiligida belgilangan reja ko‘rsatkichlarni bajarilishi ijro holati yuzasidan muhokamalar tashkil qilib borilmoqda;

 

- har oy yakuni bo‘yicha bank Boshqaruvining kengaytirilgan yig‘ilishlarida Boshqaruv Raisi va Rais o‘rinbosarlarining 2025-yil uchun eng muhim (KPI) samaradorlik ko‘rsatkichlarini bajarishga mas’ul barcha xodimlarning mas’uliyatini oshirish maqsadida bank Boshqaruv raisi va barcha o‘rinbosarlari kesimida har bir tasdiqlangan maqsadli ko‘rsatkichlar tanqidiy muhokama qilingan holda, tegishli choralar ko‘rib borilmoqda;

 

- iqtisodiy o‘qishlarni tashkil etgan holda, bankning tegishli tarkibiy bo‘linmalari va mintaqaviy hamda bank xizmatlari markazlari mas’ul xodimlarining bilim va ko‘nikmalari oshirib borilmoqda.

 

Xalq bankiga yuklatilgan topshiriqlar ijrosini ta’minlash orqali bir qator ijobiy ishlar amalga oshirildi.

Xususan, Xalq banki tomonidan 2025-yilning o‘tgan davrida jami salkam
10 trln so‘mlik kreditlar ajratildi.

Shundan, oilaviy tadbirkorlikni rivojlantirish davlat dasturlari doirasida

2,2 trln so‘mlik, hududiy investitsion loyihalarni amalga oshirish bo‘yicha
346 mlrd so‘mlik, Osiyo taraqqiyot banki bilan hamkorlikda ishlab chiqilgan “Inklyuziv banking” dasturi doirasida “Moliyaviy ommabop” kredit mahsuloti bo‘yicha 849,3 mlrd so‘mlik kreditlar ajratildi.

 

Xalqaro moliya institutlari va xorijiy banklardan umumiy qiymati salkam
170 mln doll. ekv.dagi mablag‘lar jalb etildi.

 

Xalq banki tomonidan taqdim etilayotgan ijtimoiy, davlat va bank xizmatlarini raqamlashtirish maqsadida Raqamlashtirish guruhi tashkil etilib, ko‘plab yirik loyihalar amaliyotga joriy qilindi:

 

Bank faoliyatini raqamlashtirish doirasida “Xazna” mobil ilovasi amaliyotga joriy etildi va ushbu ilovada aholining barcha qatlamiga raqamlashtirilgan ijtimoiy va bank xizmatlaridan masofadan turib foydalanishi uchun bir qator imkoniyatlar yaratildi:

 

- Soliq qo‘mitasi bilan hamkorlikda o‘zini-o‘zi band qilgan shaxslar uchun “onlayn ko‘mak” krediti ishlab chiqildi va joriy yilda aholiga 129 mlrd so‘mlik kreditlar ajratildi;

 

- Oliy ta’lim vazirligining “Hemis” billing tizimi bilan integrasiya qilinishi natijasida, talabalarga ta’lim kreditini “onlayn” olish yo‘lga qo‘yildi hamda xususiy oliy-o‘quv yurtlariga to‘lov-kontrakt pullarini ilova orqali to‘lash imkoniyati yaratildi;

 

- Ijtimoiy himoya milliy agentligi bilan hamkorlikda “suyunchi puli” mablag‘larini olish imkoniyati yaratildi va joriy yilda fuqarolarga 99 mlrd so‘m “suyunchi puli” to‘lab berildi;

 

- Xalq banki va Yoshlar ishlari agentligi bilan hamkorlikda “xalqaro imtihon xarajatlari qoplash” xizmati ishga tushirildi va joriy yilda yoshlarga 30,6 mlrd so‘m to‘lovlar to‘lab berildi.

 

Bugungi kunda, ushbu mobil ilovadan foydalanuvchilar soni 8 mln tani tashkil etadi.

 

Shuningdek, yuridik shaxslar uchun “Xazna business” internet va mobil banking ilovasi amaliyotga joriy etildi va ushbu mobil ilovadan ko‘plab tadbirkorlik subektlari foydalanib kelmoqda.

 

Bugungi kunda, bir qator bank xizmatlari raqamlashtirilgan holda, ushbu internet va mobil banking ilovasida yuridik shaxslarga xizmat ko‘rsatib kelinmoqda, jumladan:

 

- Raqamli hukumat loyihalarini boshqarish markazi bilan “Xazna” hamda “Xazna business” internet va mobil banking tizimlari integrasiya qilinib, foydalanuvchilar uchun 60 tadan ortiq davlat xizmatlaridan foydalanish imkoniyati;

 

- Adliya vazirligi bilan hamkorlikda internet va mobil banking tizimida “YaTTlarni onlayn ro‘yxatdan o‘tish”, yuridik shaxslar uchun “onlayn kredit olish” imkoniyati;

 

- yuridik shaxslar tomonidan “SVIFT”, “Konvertasiya” va “E-kontract” tizimlaridan foydalanish imkoniyati;

 

- bankning yuridik mijozlari uchun amaliyotlarni boshqarish, namunalarni yaratish, valyuta kursi, avtomobil ma’lumotlari, aylanma mablag‘larini hisoboti, budjet to‘lovlari, korporativ kartalar bilan amaliyotlar bo‘yicha 24/7-rejimida o‘tkazmalarni amalga oshirish imkoniyatlari yaratildi.

 

Bank Boshqaruvi tomonidan Oʻzbekiston Respublikasi Prezidenti va Hukumat hujjatlari ijrosi qatʼiy nazoratga olingan.

Xalq bankida kiberxavfsizlik bo‘yicha o‘quv seminari o‘tkazildi

Bank faoliyatida xavfsizlik — mijoz ishonchini mustahkamlovchi eng muhim omillardan biri.

 

 

Joriy yilning sentabr oyida Xalq banki Xavfsizlik va axborotlarni muhofaza qilish departamenti hamda Farg‘ona viloyati Ichki ishlar boshqarmasining Axborot texnologiyalari sohasidagi jinoyatchilarga qarshi kurashish boshqarmasi hamkorligida o'quv seminari tashkil etildi. 

 

 

Seminar davomida xodimlarga:
🟢 axborot va kiberxavfsizlik qoidalariga rioya etmaslik oqibatlari,
🟢 firibgarlik holatlarini oldini olish yo‘llari,
🟢 ma’lumotlarni himoya qilishning zamonaviy texnologiyalari haqida tushuntirishlar berildi.

 

Ishtirokchilar internet tarmoqlarida uchrayotgan yangi turdagi kiberxavflar bilan tanishdilar. Ularning ishlash mexanizmlari amaliy misollar orqali tahlil qilindi.

 

Shuningdek, mijozlarning shaxsiy ma’lumotlarini himoyalash va noma’lum havolalardan foydalanmaslik bo‘yicha tavsiyalar berildi.

BARCHA TASHKILOTLAR DIQQATIGA!

BARCHA TASHKILOTLAR DIQQATIGA!

Xalq banki quyidagi Tovar va xizmatlarni xarid qilish bo‘yiсha tender e’lon qiladi.

 

T/r	Tender predmeti	Soni	Loyiha qiymati	Yetkazib berish muddati
1.	Bank xizmatlari markazlari uchun yagona standartdagi mebel jihozlarini tayyorlatish va xarid qilish	1 to‘plam	17 300 000 000,00 so‘m QQS bilan	150 kalendar kun

 

Moliyalashtirish manbaasi: Xalq bankining  o‘z mablag‘lari hisobidan.

 

Xarid komissiyasi ishchi organi manzili: 100096, Toshkent sh., Qatortol ko‘chasi, 46-uy.

 

Murojaat uchun: +99871 210-20-02;

 

Tender ishtirokchilariga qo‘yiladigan talablar: Tenderda talab qilinayotgan shartlar asosida mazkur tovarlarni ishlab chiqaruvchilar va yetkazib berish bo‘yicha O‘zbekiston Respublikasi qonunchiligi bilan man etilmagan mahalliy va chet el yuridik shaxslari ishtirok etishi mumkin.

 

Tender savdolari manzili va joyi: maxsus axborot portali (etender.uzex.uz).

 

Tender bilan bog‘liq hujjatlar:  https://etender.uzex.uz/lot/453731 ko‘rsatilgan.

 

Takliflarni taqdim qilish muddatining oxirgi sanasi va vaqti: 2025 -yil 27-oktabr, soat 11:00 gacha Toshkent vaqti bilan.

Rahbar va yoshlar uchrashuvi

Xalq bankida yosh xodimlarning takliflarini tinglash, ular bilan fikr almashish va o'zaro muloqotni yo'lga qo'yish an’anaga aylangan.

 

Bank boshqaruvi raisi va yoshlar ishtirokidagi navbatdagi muloqot ham ochiq va samimiy muhitda o'tdi. 

 

Unda markaziy apparat va mintaqaviy markazlarda faoliyat olib borayotgan yosh xodimlar o‘zlarini qiziqtirgan savol va masalalar bo'yicha bevosita rahbariyatga murojaat qilib, javob oldilar, shuningdek, kasbiy va shaxsiy rivojlanish borasida zarur tavsiya hamda maslahatlarga ega bo'ldilar.

 

Muloqot so'ngida yoshlarga bank va moliya yo'nalishidagi eng sara kitoblar sovg'a qilindi.

 

“Yilning eng yaxshi yordamchi agenti – 2025” tanlovi: eng faol agentlar rag‘batlantirildi

Mahallalarda bank xizmatlarini aholiga yaqinlashtirish, ularning moliyaviy savodxonligini oshirish va bandligini ta’minlash borasida “mahalla bankirlari” hamda “yordamchi agentlar” faoliyati muhim ahamiyat kasb etmoqda.

 

Eng faol va tashabbuskor mahalla agentlari faoliyatini qo‘llab-quvvatlash hamda rag‘batlantirish maqsadida “Yilning eng yaxshi yordamchi agenti – 2025” tanlovi o‘tkazilmoqda.

 

 

Xalq banki va Markaziy bank hamkorligida Toshkent viloyatining Nurafshon shahrida tanlovning viloyat bosqichiga yo‘llanma olgan hamda faol ishtirok etgan agentlarni taqdirlash tadbiri bo‘lib o‘tdi.

 

Tanlovning dastlabki bosqichida banklarning Toshkent viloyatidagi 67 nafar yordamchi-agenti muvaffaqiyatli qatnashib, tuman bosqichiga o'tgan bo'lsa, shundan 14 nafarini Xalq bankining yordamchi-agentlari tashkil etdi. Ikkinchi bosqich yakunlariga ko'ra 14 nafar yordamchi-agentlarning 4 nafari viloyat bosqichiga yo'llanmani qo'lga kiritdi.

 

 

“Yilning eng yaxshi yordamchi agenti – 2025” tanlovi 4 bosqichda, mamlakatning 14 ta hududi, 208 tuman va shaharlarini qamrab olgan holda o‘tkazilmoqda. 

 

Tanlovning asosiy maqsadi — yordamchi agentlar orqali mahallalarda bank xizmatlarini ommalashtirish, aholining moliyaviy savodxonligini oshirish va ularning iqtisodiy faolligini qo‘llab-quvvatlashdan iborat.

Xalq bankining korrupsiyaga qarshi menejment tizimi xalqaro standartlarga muvofiqligi yana bir bor tasdiqlandi.

2024-yilda bankning korrupsiyaga qarshi kurashish menejment tizimi ISO 37001:2016 xalqaro standarti talablariga muvofiqligi bo‘yicha sertifikat olindi.

 

 

Ushbu tizim samaradorligi 2025-yilning sentabr oyida xalqaro mustaqil tashqi audit tomonidan qayta baholanib, ijobiy xulosa berildi va muvofiqlik sertifikati muddati uzaytirildi.

Bayram kuni bizda ish tartibi

Xalq banki aholiga qulaylik yaratish maqsadida bayram kunida ham xizmat ko'rsatishda davom etadi.

 

1-oktabrda ishlaydigan bank xizmatlari markazlarining to‘liq ro‘yxati bilan quyida tanishishingiz mumkin:

 

1-oktabr kuni faoliyat yurituvchi bank xizmatlari markazlari va bankdan tashqari kassalar to‘g‘risida
MA’LUMOT
№	Bank nomi	Filial nomi (BXM)	VASH raqami	Nomlanishi	Hudud joylashgan manzil	Chorshanba
						01.10.2025
A	2	3	4	5	6	7
1	Xalq banki	(Andijon) Andijon sh	3006059	BXM	Andijon sh., Mustaqillik k., 3-uy	ishlaydi
2	Xalq banki	(Buxoro) Buxoro sh	6006072	BXM	Buxoro sh., M. Iqbol k., 8-uy	ishlaydi
3	Xalq banki	(Buxoro) Olot (Post)	06006086.	Kassa	Olot t., Olot chegara posti	ishlaydi
4	Xalq banki	(Jizzax)  Jizzax sh	8006042	BXM	Jizzax sh.,  Sh. Rashidov k., 53-uy	ishlaydi
5	Xalq banki	(Qashqadaryo) Qarshi sh	10006058	BXM	Qarshi sh., A.Temur k., 44-uy	ishlaydi
6	Xalq banki	(QQR) Nukus sh	35006079	BXM	Nukus sh., Garezsizlik k., 74a-uy	ishlaydi
7	Xalq banki	(QQR) Qo‘ng‘irot (POST)	35006082	Kassa	Qo‘ng‘irot t., Dovut Otа chegara posti	ishlaydi
8	Xalq banki	(Navoiy) Karmana	12006023	BXM	Karmana tumani, Islom Karimov ko‘chasi, 90-uy	ishlaydi
9	Xalq banki	(Namangan) Namangan sh	14006048	BXM	Namangan sh., Lutfiy k., 5-a uy	ishlaydi
10	Xalq banki	(Samarqand) Samarqand sh	18006099	BXM	Samarqand sh., A.Temur k., 147-uy	ishlaydi
11	Xalq banki	(Sirdaryo)  Guliston sh	24006036	BXM	Guliston sh., Xondamir k., 3-uy	ishlaydi
12	Xalq banki	(Sirdaryo) Sirdaryo sh  (Post)	24006039	Kassa	Sirdaryo t., Toshkent k., Sirdaryo chegara posti	ishlaydi
13	Xalq banki	(Surxondaryo) Termiz sh	22006066	BXM	Termiz sh., Madaniyat k., 2a-uy	ishlaydi
14	Xalq banki	(Toshkent v.) Zafar (Post)	27006110	Kassa	Bekobod t., Qoraquyli MFY, Oybek bojxona chegara posti	ishlaydi
15	Xalq banki	(Toshkent v.) Keles (Post)	27006108	Kassa	Toshkent t., Chuvalachi MFY,  G‘ishkuprik bojxona chegara posti	ishlaydi
16	Xalq banki	(Toshkent v.) Qibray  (Post)	27006091	Kassa	Qibray t., Turkiston MFY, S.Najimov bojxona chegara posti	ishlaydi
17	Xalq banki	(Toshkent v.) Chinoz  (Post)	27006032	Kassa	Chinoz tumani Yallama Bojxona o‘tkazish punktida	ishlaydi
18	Xalq banki	(Toshkent sh.) Uchtepa	26006256	BXM	Toshkent sh., Uchtepa t., Farxod k., 3a-uy	ishlaydi
19	Xalq banki	(Toshkent sh.) Mirobod	26006240	BXM	Toshkent sh., Mirobod t., Nukus k., 2-uy	ishlaydi
20	Xalq banki	(Toshkent v.) To‘ytepa	27006090	BXM	Nurafshon sh., Muqumiy MFY, Тоshkеnt yo‘li  k., 176-uy	ishlaydi
21	Xalq banki	(Farg‘ona) Farg‘ona sh	30006074	BXM	Farg'ona sh., Kashtanzor k., 33-uy	ishlaydi
22	Xalq banki	(Xorazm) Xiva	33006067	BXM	Xiva sh., Feruz k., 12-uy	ishlaydi

 

xazna ilovasida:
✅ bank kartalari orasida komissiyasiz pul o‘tkazmalarini amalga oshirishingiz
✅ 100 mln. so'mgacha onlayn mikroqarz rasmiylashtirishingiz
✅ to‘lovlardan keshbek yig‘ishingiz
✅ Xalq banki kreditlarini so‘ndirish va boshqa bank xizmatlaridan onlayn foydalanishingiz mumkin

Xalq banki 5-Osiyo Moliya forumida transformatsiya, mikromoliya hamda inkluzivlik tajribasini taqdim etdi

Avval xabar berganimizdek, Xalq banki delegatsiyasi Filippin poytaxti Manila shahrida o‘tkazilgan 5-Osiyo Moliya forumida ishtirok etdi.

 

Mazkur nufuzli anjumanda bank o‘zining transformatsiya jarayoni va erishgan natijalari haqida xalqaro moliya institutlari vakillariga ma’lumot berdi. 

 

 

Forum doirasidagi “Aholi va kichik biznesni qo‘llab-quvvatlashda mikrokreditlashning roli” panel sessiyasida Xalq banki O‘zbekistondagi banklar orasida birinchilardan bo‘lib mikromoliya xizmatlarini joriy qilgani hamda bu yo‘nalish tadbirkorlikni rivojlantirish va yangi ish o‘rinlarini yaratishda muhim omil bo‘lgani ta’kidlandi.

 

Forumning innovatsion sessiya qismida Xalq banki boshqaruv raisi Shuhrat Atabayev tomonidan Osiyo taraqqiyot banki bilan hamkorlikda amalga oshirilgan loyihalar, bankning transformatsiya jarayoni haqida ma’lumot berildi. 

 

Hamkorlikda bosqichma-bosqich amalga oshirilgan islohotlar natijasida bank zamonaviy biznes modeli asosida faoliyat yurituvchi, masofaviy xizmatlarni keng yo‘lga qo‘ygan, mikromoliya va inkluziv bankingni rivojlantirgan moliya muassasasiga aylandi.

 

 

Mazkur o‘zgarishlar natijasida tijorat kreditlarining ulushi sezilarli darajada ortdi, muammoli kreditlar hajmi 24,5%dan 4%ga qisqardi, bankning moliyaviy natijalari esa ijobiy sur’at bilan oshdi.

 

Inkluziv banking biznes modeli doirasida OTBdan jalb qilingan 65 million AQSh dollari miqdoridagi mablag‘lar tadbirkorlik faoliyatini rivojlantirishga yo‘naltirilgani, bu mablag‘lardan foydalanayotgan mijozlarning 68%ni xotin-qizlar tashkil etayotgani ta’kidlandi.

 

O’z o’rnida, Xalq bankidagi izchil transformatsiya jarayonlari bankning moliyaviy barqarorligini mustahkamlab, xalqaro moliya institutlari va  xorijiy hamkorlar ishonchini oshirayotganligi qayd etildi. 

 

Mazkur forumdagi ishtirok hamkorlik aloqalarini yanada kengaytirish, qo‘shimcha resurslar jalb etish va bu orqali mamlakatda yangi tashabbuslarni qo‘llab-quvvatlash, xususan, yoshlarni ish bilan ta'minlash, ayollar tadbirkorligini rivojlantirish, inkluziv banking imkoniyatlarini kengaytirishi bilan alohida ahamiyat kasb etadi.

“Bank va Ma’rifat: Bilimli jamiyat bilan qudratli iqtisodiyot sari”

Alisher Navoiy nomidagi O‘zbekiston Milliy kutubxonasida Markaziy bank tashabbusi va banklar hamkorligida “Bank va Ma’rifat: Bilimli jamiyat bilan qudratli iqtisodiyot sari” nomli forum bo‘lib o‘tmoqda. 

 

Forum doirasidagi panel sessiyalarida nashriyotlar yangi loyihalarini taqdim etmoqda. Kutubxona hududida kitob stendlari tashkil etilgan bo‘lib, mehmonlar ular bilan yaqindan tanishish imkoniga ega.

 

Mazkur forumda Xalq banki ham o'z stendi bilan faol ishtirok etmoqda. Stenddan “Asaxiy Books” bilan hamkorlikdagi kitoblar o'rin olgan.

 

Xalq banki moliyaviy savodxonlik va kitobxonlikni rivojlantirishni qo‘llab-quvvatlab, “Asaxiy Books” bilan hamkorlikda iqtisodiyot va moliyaviy bilimlarni oshirishga oid kitoblarni o‘zbek tilida keng jamoatchilikka taqdim etib kelmoqda.

 

Kitobxonlikni targ‘ib etish jamiyatda ilmga qiziqishni oshiradi, yoshlarning tafakkurini boyitib, bilimli va tashabbuskor avlodni shakllantirishga xizmat qiladi.