Xalq banki xodimlari davlat mukofoti bilan taqdirlandi
28.08.2026
1Mamlakatimiz bo‘ylab mustaqilligimizning 35 yilligi keng nishonlanmoqda.
Bayram arafasida o‘zining fidokorona mehnati va kasbiy faoliyati bilan yurtimiz rivoji yo'lida xizmat qilib kelayotgan turli soha vakillari e’tirof etilib, davlat mukofotlari topshirilmoqda.
Mamlakatimiz iqtisodiy taraqqiyoti va aholi farovonligini ta’minlashda bank-moliya sohasi muhim o‘rin tutadi.
Soha vakillari aholi va tadbirkorlik subyektlarini moliyaviy qo‘llab-quvvatlash, zamonaviy bank xizmatlarini rivojlantirish orqali iqtisodiy faollikni oshirishga munosib hissa qo‘shib kelmoqda.
Xalq banki tizimida samarali mehnati va faoliyati bilan yurtimiz taraqqiyoti, bank-moliya sohasi rivojiga hissa qo‘shayotgan bir guruh xodimlarning xizmatlari davlatimiz tomonidan e’tirof etilib “O‘zbekiston Respublikasi mustaqilligining 35 yilligi” esdalik nishoni bilan taqdirlandi.
Bugun bankda bayram tadbiri o‘tkazilib, xodimlarga davlat mukofotlari tantanali ravishda topshirildi.
