Andijonda sayyor qabul: muammolar tinglandi, yechimlar belgilandi

12-sentabr kuni Andijonda Tadbirkor ayollar kengashining sayyor qabuli o‘tkazildi. Unda Xalq banki boshqaruv raisi o‘rinbosari Gulzoda Rashidova, Savdo-sanoat palatasi raisi o‘rinbosari Nodira Shotursunova hamda boshqa mas’ullar ishtirok etdi.

 

 

Qabul davomida 40dan ortiq murojaat ko‘rib chiqildi. Ularning aksariyati joyida hal etildi, qolganlari bo‘yicha esa aniq vazifalar belgilandi va ijrosi qat’iy nazoratga olindi.

 

Xalq banki vakillari tomonidan tadbirkor ayollarga imtiyozli kreditlar, zamonaviy bank xizmatlari va moliyaviy qo‘llab-quvvatlash mexanizmlari yuzasidan batafsil tushuntirishlar berildi.

 

 

Uchrashuvda nafaqat faol tadbirkorlar, balki biznes boshlash niyatidagi ayollar ham qatnashib, zarur maslahat va amaliy tavsiyalarga ega bo'ldi.

 

Sayyor qabullar davomida, shuningdek, imkoniyati cheklangan ayollar tomonidan tayyorlangan mahsulotlarning ko‘rgazmasi ham tashkil etildi.

 

Sayyor qabullar ayol tadbirkorlarning muammolarini hal etish, ularni qo‘llab-quvvatlash va iqtisodiy hayotda faol ishtirokini ta’minlashda muhim mexanizm bo'lib xizmat qilmoqda.