Xalq banki va Mastercard moliya bozorida yangi texnologik bosqichni boshlamoqda

06.05.202671

Osiyo taraqqiyot banki Boshqaruvchilar kengashining 59-yillik yig‘ilishi doirasida Xalq banki va dunyoning yetakchi to‘lov texnologiya kompaniyalaridan biri Mastercard o‘rtasida navbatdagi strategik hamkorlik kelishuvi imzolandi. 

Mazkur kelishuv O‘zbekiston moliya bozorida ikki muhim yo‘nalish: yangi turdagi bank kartalari va sun’iy intellektga asoslangan kreditlash tizimini rivojlantirishga qaratilgan.

 "Xalq Card" yangi avlod flagman mahsuloti

Karta bozordagi mavjud takliflardan o‘zining mijozga yo‘naltirilgani bilan ajralib turadi. Loyiha doirasida xalqaro tajriba va mahalliy bozor dinamikasi chuqur tahlil qilinib, foydalanuvchilar uchun individual imtiyozlar va qulayliklar tizimi yaratiladi. Maqsad kartani shunchaki to‘lov vositasi emas, balki kundalik hayotning ajralmas va foydali qismiga aylantirish.

Sun’iy intellekt (AI) asosidagi kredit skoringi

Kredit olish jarayonini inson omilisiz, tezkor va aniq baholash uchun sun’iy intellekt texnologiyasi joriy etiladi. 

Ushbu tizim:
✅ Kredit so‘rovlarini bir necha soniya ichida ko‘rib chiqish;
✅ Aniq ko'rsatkichlarga asoslangan (data-driven) tahlil orqali risklarni kamaytirish;
✅ Moliyaviy xizmatlarni aholining barcha qatlamlari uchun yanada ochiq va shaffof qilish imkonini beradi.

Mazkur kelishuv Xalq banki xizmatlariga yangi turdagi xalqaro moliya texnologiyalarini integratsiya qilish imkonini beradi. Bu esa mijozlar uchun moliyaviy xizmatlardan foydalanishni soddalashtiradi va jarayonlar tezkorligini ta’minlaydi.