Xalq bankida WE-Finance Code bo‘yicha seminar tashkil etildi

23.04.2025174

Seminar Yevropa tiklanish va taraqqiyot banki, ConsumerCentriX kompaniyasi, O‘zbekiston Respublikasi Markaziy banki hamda Xalq banki hamkorligida tashkil etildi.

Seminar Gender masalalari bo‘yicha Respublika komissiyasi va Yevropa tiklanish va taraqqiyot banki o‘rtasida imzolangan “Tadbirkor ayollar uchun moliyaviy kodeksni (WE-Finance Code) joriy etish bo‘yicha hamkorlik” Memorandumi ijrosiga bag'ishlandi. 

Unda asosiy e’tibor WE-Finance Code mazmunini tushuntirish, uni amalga oshirishda ishtirokchi tashkilotlarning majburiyatlarini belgilash hamda ayol tadbirkorlarni moliyaviy qo‘llab-quvvatlashga qaratilgan yondashuvlarni muhokama qilishga qaratildi.

Ushbu seminar WE-Finance Code tamoyillarini amaliyotga tatbiq etish yo‘lida muhim qadamlardan biri bo‘lib, ayollarni moliyaviy xizmatlardan kengroq foydalanishga yo‘naltirish, bank tizimida gender tengligini ta’minlash va ijtimoiy-iqtisodiy ishtirokini yanada kuchaytirishga xizmat qiladi.