Yoshlar masalalari bo‘yicha maslahatchilar ishtirokida muloqot

14.11.2025184

13-sentabr kuni Oliy Majlis Qonunchilik palatasining Yoshlar masalalari bo‘yicha komissiyasi, Yoshlar parlamenti va Yoshlar ishlari agentligi

tashabbusi bilan vazirlik va tashkilotlarning yoshlar masalalari bo‘yicha mas’ullari ishtirokida muloqot bo‘lib o‘tdi.

Muloqotda yoshlarning huquqlari, ta’lim va bandlik imkoniyatlarini kengaytirish, ijtimoiy faolligini oshirish hamda ularni

qo‘llab-quvvatlashga qaratilgan islohotlarning amaliy ijrosi muhokama qilindi.

Mas’ul idoralar tomonidan yoshlar bilan ishlash sohasida amalga oshirilayotgan ishlar va erishilgan natijalar yuzasidan axborot berildi.

Muloqotda, shuningdek, Xalq bankida yoshlar bilan ishlash, ularning kasbiy va shaxsiy rivojini qo‘llab-quvvatlashga qaratilgan

tashabbuslar, yosh mutaxassislar uchun yaratilgan shart-sharoitlar va amalga oshirilayotgan loyihalar bo'yicha taqdimot qilindi.

Uchrashuv yakunida sohaga oid faoliyatni rivojlantirish, idoralararo hamkorlikni kuchaytirish va yoshlarni qo‘llab-quvvatlash

mexanizmlarini yanada samarali tashkil qilishga oid takliflar bildirildi.