Qashqadaryoda tadbirkor ayollar uchun o‘quv-amaliy seminar tashkil etildi

14.02.2025302

Qashqadaryo viloyatida Xalq banki, O‘zbekiston Savdo-sanoat palatasi  hamkorligida “Tadbirkor ayollarning biznes g‘oyalari” mavzusida o‘quv-amaliy seminar bo‘lib o‘tdi.

Unda Xalq banki Boshqaruv raisi o‘rinbosari Gulzoda Rashidova, O‘zbekiston Savdo-sanoat palatasi vakillari, viloyatdagi faol tadbirkor ayollar, shuningdek, biznesini yangi boshlagan xotin-qizlar hamda yosh tadbirkorlar ishtirok etdi.

  Ayollar tadbirkorligini qo‘llab-quvvatlash – muhim yo‘nalish

 Seminar davomida xotin-qizlarga biznesni moliyalashtirish, tadbirkorlikni rivojlantirish uchun mavjud dasturlar haqida batafsil ma’lumot berildi.     Shuningdek, tadbirkor ayollar o‘z faoliyatini kengaytirishda duch keladigan muammolar va ularning yechimlari bo‘yicha ham muhokamalar olib borildi.

 Tajriba almashish va amaliy tavsiyalar

Seminarning muhim qismi – tadbirkor ayollarning tajriba almashishi va real misollar asosida biznes yuritish tamoyillarini o‘rganish bo‘ldi. Muvaffaqiyatli tadbirkor ayollar o‘z faoliyati haqida so‘zlab, biznesni yo‘lga qo‘yish va uni rivojlantirish bo‘yicha amaliy tavsiyalar berdi. Bu esa tadbirkorligini endi boshlayotgan ayollar va yoshlar uchun katta motivatsiya bo‘ldi.

Dehqonobod tumanidagi “Real Xit” xususiy korxonasi rahbari Norsafarova F., “Tat Cola” MCHJ menejeri G'ofurov U. va shahrisabzlik hunarmand U. To'rayevalar viloyatda ayollar tadbirkorligini rivojlantirishga oid taklif va tashabbuslarini bildirdi.

Shuningdek, ishtirokchilarga biznes-reja tuzish, mijozlar auditoriyasini kengaytirish, marketing strategiyalarini shakllantirish hamda moliyaviy barqarorlikka erishish bo‘yicha ham treninglar o‘tkazildi.