Xalq banki jamoasi “ZAAMIN ULTRA 2026” musobaqasida faol ishtirok etdi
15.06.2026
5613-14-iyun kunlari Zomin milliy bog‘ining betakror tabiati bag'rida “ZAAMIN ULTRA – 2026” yugurish musobaqasi bo‘lib o‘tdi.
“Samarqand Marathon” turkumining navbatdagi bosqichi bo'lgan ushbu yirik sport tadbiri minglab yugurish ixlosmandlarini bir maydonga jamladi.
An’anaga muvofiq, Xalq banki jamoasi ham musobaqada faol ishtirok etdi. Bank xodimlari 5, 10 va 21 kilometr masofalarda startga chiqib, sportga bo‘lgan e'tibor hamda sog‘lom turmush tarzi tarafdoriligini namoyon etdi.
Musobaqa davomida ishtirokchilar nafaqat o‘z jismoniy imkoniyatlarini sinovdan o‘tkazdi, balki qat’iyat, iroda va jamoaviy ruhning yorqin namunasini ko‘rsatdi. Har bir bosib o‘tilgan kilometr yangi marralar sari intilish, o‘z ustida ishlash va belgilangan maqsadga erishish yo‘lidagi muhim qadamga aylandi.
Xalq banki sog‘lom va faol jamiyat g‘oyalarini qo‘llab-quvvatlashga alohida e’tibor qaratib kelmoqda.
Shu maqsadda bank va xazna ilovasi “Samarqand Marathon” turkumidagi musobaqalarning bosh hamkorlaridan biri sifatida aholi o‘rtasida sog‘lom turmush tarzini targ‘ib etishga munosib hissa qo‘shib kelmoqda.
