Xalq banki “Inson uchun 2026” festivalida taqdirlandi

13.05.202632

“Inson uchun 2026” III an’anaviy festivali doirasida ijtimoiy himoya tizimida amalga oshirilayotgan islohotlar, aholiga yaratilayotgan imkoniyatlar, inkluziv mehnat bozori, tadbirkorlik va hamkorlik loyihalari namoyish etildi.

Festival doirasida nogironligi bo‘lgan shaxslar, bitiruvchi talabalar hamda ehtiyojmand fuqarolarni ish bilan ta’minlashga ko‘maklashish maqsadida “Job Fair” bo‘sh ish o‘rinlari yarmarkasi bo'lib o'tdi.
 

Unda Xalq banki ham faol ishtirok etib, imkoniyati cheklangan shaxslar hamda yosh bitiruvchilarga mavjud vakant ish o‘rinlari bo'yicha takliflar berildi, mehnat sharoitlari hamda kasbiy rivojlanish imkoniyatlari tanishtirildi.
 

Bugungi kunga qadar Xalq banki tizimiga 250dan ortiq imkoniyati cheklangan xodimlar ishga qabul qilingan. Bank tomonidan inkluziv muhitni rivojlantirish, barcha uchun teng imkoniyat yaratish hamda ijtimoiy himoyaga muhtoj fuqarolar bandligini ta’minlash yo‘nalishida tizimli ishlar amalga oshirilmoqda.

🔹 Festivalda mazkur sa’y-harakatlar alohida e’tirof etilib, Xalq banki “Inkluziv ish beruvchi” nominatsiyasi bo'yicha taqdirlandi.