Xalq banki “Brand Awards International 2026” xalqaro mukofoti doirasida ikki nominatsiyada taqdirlandi
19.05.2026
72Kuni kecha O‘zbekistonning yetakchi brendlarining 2025-yildagi yutuq va natijalari e’tirof etilgan “IX Brand Awards International” mukofotlash tadbiri bo‘lib o‘tdi.
⭐️ “2025-yilda O‘zbekiston zamonaviy moliya ekotizimini rivojlantirishdagi yutuqlari uchun”
⭐️“2025-yilda O‘zbekistonda bank xizmatlarini raqamlashtirish va moliyaviy inklyuziyani kengaytirishdagi yutuqlari uchun” nominatsiyalarida taqdirlandi.
Mazkur mukofot Xalq banki tomonidan 2025-yilda amalga oshirilgan keng ko‘lamli transformatsiya jarayonlari, bank xizmatlarini raqamlashtirish, zamonaviy moliyaviy yechimlarni joriy etish hamda mijozlar uchun qulay va ommabop moliyaviy ekotizimni shakllantirish borasida erishilgan natijalarning xalqaro darajadagi e’tirofi sifatida qayd etildi.
Jumladan "xazna" ilovasi mamlakatdagi eng ommabop raqamli moliyaviy xizmatga aylanib, yuklab olishlar soni hamda ko‘rsatilayotgan masofaviy xizmatlar ko‘lami bo‘yicha bank ilovalari orasida peshqadamlar safidan mustahkam o‘rin egallab kelmoqda.
