Xalq banki xalqaro musobaqada ishtirok etdi

22.04.2024280

🏆 Sport – bu faqat chempionlik emas, balki odam o'zini yaxshiroq bilishi va chegaralarini kengaytirish uchun imkoniyat. 

Har yili poytaxt Toshkentda mahalliy havaskor va professional, shu bilan birga, yaqin xorijiy davlatlardan kelgan eng yaxshi, iqtidorli yuguruvchilar ommaviy yugurish marafonida jamlanadi.  

🏃 Bu yil ham an'anaga muvofiq 21-aprel kuni "VI Toshkent xalqaro marafoni" o'tkazildi.  Ushbu yugurish musobaqasida 5,5 mingdan ortiq havaskor yuguruvchi va professional sportchilar ishtirok etdi. Ular musobaqa doirasida 42 km, 21 km, 10 km va 3 km masofani bosib o'tdi. 

Mazkur nufuzli sport musobaqasida Xalq bankining 20 nafarga yaqin xodimlari ham faol ishtirok etib, 21 km, 10 km va 3 km masofada o‘zlarini sinab ko‘rdi. Katta taassurotlar, tetik ruh va jismoniy faollikka ega bo'lgan bank xodimlari kelgusida yana shunday xalqaro musobaqalarda faol qatnashishni maqsad qildi.